TECNO NA JUMIA KUSHIRIKIANA NA TIGO KUUZA BIDHAA MTANDAONI

Katika kuhakisha Watanzania wanapata Huduma mbalimbali zenye upungufu wa bei nchini Kampuni ya Jumia Tanzania inayouza bidhaa kwa njia ya mtandao, itashirikiana na kampuni za simu za Tigo na Tecno kuuza bidhaa zake kwa bei nafuu jambo ambalo litakalowazesha Wananchi wa vipato mbalimbali kuagiza na kupata bidhaa hizo kwa njia ya mtandao.

Akizungumza Leo jijini Dar es salaam na wandishi wa habari Ofisa Uhusiano wa Tecno, Eric Mkomoye, amesema kampuni yake na Jumia Tanzania wameamua kuungana kutoa huduma popote mteja alipo kwa njia ya mtandao na Kutakuwa na punguzo kubwa na zawadi mbalimbali kwa wateja watakaonunua bidhaa hizo katika website yao.

Aidha amesema kuwa Kutakuwa na Jumia Mobile Week itakayoanza Mei 22 -28 mwaka huu ikiwa maalumu kwa ajili ya mauzo ya simu na vifaa vyake kutoka makampuni makubwa.

Naye meneja wa kampuni ya Jumia nchini, Hilda Kinyunyu, amesema kuwa wateja wao wanaweza kuagiza simu kupitia mtandao wa Jumia na kuchagua bidhaa wanazotaka kisha wanajaza taarifa zao za msingi kama namba za simu na eneo wanalotaka bidhaa waletewe na watafikishiwa na Malipo yatafanyika baada ya mteja kupata bidhaa husika na kuridhika nayo.

Kinyunyu amefafanua kuwa kampuni ya Tecno Mobile itakuwa na duka maalum katika mtandao wa Jumia ambapo simu za kampuni hiyo ikiwemo simu mpya maarufu ya Tecno Camon CX itapatikana,Pia Tecno Phantom 6, W5 na l9 plus zitapatikana. Mteja atakayweka oda ya simu za Tecno Mobile katika mtandao wa Jumia atapata zawadi mbalimbali zitakazomfikia pamoja na simu hiyo