WATU WATATU WAUWAWA DAR

Jeshi la Polisi Kanda Maalum ya Dar es salaam limesema  limeokota  miili ya watu wawili kando ya  fukwe  ya bahari  ya hindi eneo la oystarbay  na raia mmoja  wa  afrika ya kusini aliyejulikana kwa jina la Wayne Lotter miaka 52, mkurugezi wa Palm conservation foundation  akiwa ameuwawa  na  watu waliozaniwa kuwa majambazi  katika makutano ya barabara ya Haile Slassie na kaole Masaki  kwa sasa bado wanaendelea na uchunguzi.

Akizungumza na mwandishi wa habari habari Leo jiji dar es salaam kaimu Kamanda wa polisi kanda maalumu ya dar es salaam Lucas mkondya amesema kuwa bado wanaendelea kuchunguza  miili  hiyo na kwa sasa iko katika hosptali ya taifa ya muhimbili na watatoa taarifa baada ya uchunguzi kukamilika

Aidha mkondya amesema kuwa wamefanikiwa kuwakamata jumla ya watuhumiwa 150 ikiwemo wapiga debe   katika stendi za mabasi kwa makosa ya kubughudhi abiria katika maeneo mbalimbali  ya jiji la Dar es salaam.

Katika hatua nyingine Jeshi la Polisi Kanda Maalum Dsm limefanya misako na kufanikiwa kuwakamata jumla ya watuhumiwa 167 kwa makosa mbalimbali  ikiwemo kupatikana na madawa za  kulevya, unyanga’nyi wa kutumia silaha/ nguvu, utapeli, wizi kutoka maungoni, kucheza kamari kuuza pombe haramu ya gongo, kupatikana na bhangi katika maeneo mbalimbali ya jiji la Dar es salaam .

 Stendi za mabasi  ambazo jeshi la polisi limefanya msako na kuwakamata waarifu ikiwemo wapiga debe  ni pamoja na Ubungo wamekamatwa watuhumiwa 39, posta watuhumiwa 12, Ferry watuhumiwa 7, Tegeta watuhumiwa 12, Tandika watuhumiwa 16, Mnazi mmoja watuhumiwa 6, Kituo cha daladala Stesheni watuhumiwa 5,Temeke Sterio 7,Gerezani 16, Manzese watuhumiwa 12, Bunju B watuhumiwa 8, Kijiwe samli                                                watuhumiwa 2 na Buguruni watuhumiwa 3. Aidha watuhumiwa wote watapelekwa mahakamani ili kujibu mashtaka yanayowakabili.

Na James Salvatory