MAJIBU YA TANESCO KUHUSU KUBOMOLEWA KWA JENGO LAO LA UBUNGO
TAARIFA KWA VYOMBO VYA HABARI
Uongozi wa Shirika la Umeme Tanzania (TANESCO) unapenda Vyombo vyote vya Habari vifahamu kuwa Tumepokea Agizo la Mheshimiwa Rais wa Jamhuri ya Muungano wa Tanzania, Dkt John Pombe Joseph Magufuli, kuhusu Kubomolewa kwa Jengo la Ofisi za TANESCO Makao Makuu, liliopo Ubungo Jijini Dar es salam,
Tunapenda Watanzania watambue kuwa TANESCO inaungana na Mheshimiwa Rais katika jitihada zake za kuleta Maendeleo katika nyanja mbali mbali, hivyo TANESCO itatekeleza Agizo hili ndani ya muda ulio pangwa.
Tunapenda kuwahakikishia Wateja wetu na Watanzania wote kwa ujumla kuwa katika utekelezaji wa Agizo hilo , Huduma za umeme zitaendelea kupatikana kama kawaida, ikumbukwe kuwa ni wajibu wa kila Mtanzania kuunga mkono jitihada zinazo fanywa na Mheshimiwa Rais.
Uongozi wa Shirika unajipanga kutekeleza Agizo la Mheshimiwa Rais, Tunaomba Vyombo vyote vya Habari vitoe nafasi kwa Shirika kukamilisha taratibu hizi. Tutaendelea kutoa taarifa Zaidi kila inapo bidi.
TANESCO ‘‘Tunayaangaza Maisha yako’’
Kwa mawasiliano
Tovuti: www.tanesco.co.tz
Mitandao ya Kijamii
www.facebook/tanescoyetu
Imetolewa Na: OFISI YA UHUSIANO
TANESCO- MAKAO MAKUU.
Novemba 17, 2017
Post a Comment