EU YAMWAGA BILIONI 130 TANZANIA

Umoja wa Ulaya (EU) umetoa msaada wa   kiasi cha  Euro Milioni 50 ambazo ni sawa na takribani  shilingi  bilioni 130 za kitanzania  kwa ajili ya miradi ya usambazaji wa Umeme  Vijijini inayotekelezwa na  Wakala wa Nishati Vijijini (REA)

Akizungumza Leo jijini dar es salaam kabla ya kusaini makubaliano hayo Katibu mkuu wa wizara ya fedha  nchini Dotto James amesema kuwa mpka kufikia mwaka 2020 vijiji vyote nchini vitakuwa vimeunganishwa na huduma ya umeme kupita mradi wa umeme vijijini wa Rea

Aidha amesema kuwa toka mradi wa Rea unzishe    mwaka 2008 vijini ambavyo vilikuwa vimeunganishwa  ilikuwa  2% tu ya idadi yote  ya Vijini vipatavyo  12000  Wakati kwa mwaka huu wa 2017 ni  49.3%  ya  vijini  umeunganishwa  umeme Huku  asilimia 10  ya wananchi kitaifa walikuwa wanapata Umeme  lakini hadi kufikia Desemba, 2016 ni asilimia 67.5 wanapata Umeme wa uhakika.

Kwa upande wake Kamishna wa Maendeleo wa Umoja wa Ulaya (EU), Neven Mimica  amesema kuwa  Umoja huo unatambua juhudi  zinazofanywa na Serikali kupitia Wizara ya Nishati katika usambazaji wa Umeme vijijini hivyo wapo  tayari kuisaidia  Serikaliili iweze kutimiza malengo ya  Dira ya Maendeleo ya  Taifa yenye lengo la kuhakikisha kuwa Tanzania inakuwa nchi ya kipato cha kati ifikapo mwaka 2025.

Kwa upande wao baadhi ya wakazi wa jiji la dar es salaam  wameishauri serikali kuboresha kwanza huduma za umeme ikiwemo umeme kuwa wa uhakika na wenye nguvu wa kusukuma mitambo yote kwenye hivyo vijiji watakavyopeleka umeme huo

Na James Salvatory