TACAIDS KUJA NA TAKWIMU MPYA ZA VIRUS VYA UKIMWI

Kaimu Mkrugenzi Mkuu wa TACAIDS Bw.Jumanne Issango akieleza jambo kwa waandishi wa habari(hawapo pichani) wakati wa mkutano kuhusu changamoto na mafanikio katika kupambana na ukimwi nchini uliofanyika katika ukumbi wa ofisi za TACAIDS leo Jijini Dar es Salaam.

Kaimu Mkrugenzi Mkuu wa TACAIDS Bw.Jumanne Issango akieleza jambo kwa waandishi wa habari(hawapo pichani) wakati wa mkutano kuhusu changamoto na mafanikio katika kupambana na virusi vya ukimwi nchini kulia ni Kaimu Mkurugenzi Muitiko wa kitaifa wa TACAIDS Bi.Audrey Njelekela mkutano uliofanyika katika ukumbi wa ofisi za TACAIDS leo Jijini Dar es Salaam

Serikali kupitia Tume ya kudhibiti ukimwi  nchini (Tacaids) imesema kuwa novemba mwaka huu  itatoa   hali halisi ya mwenendo wa viashiria vya ukimwi kitaifa   ambapo  huwa zinatoka kila baada ya miaka minne huku takwimu za mwaka 2011 zikionesha kuwa maambukizi  yalipungua  kwa 5.3%

Hayo yamebainishwa na Kaimu mkurugenzi wa Tacaids Jumanne Issango  wakati akizungumza na wandishi wa habari leo jijini dare s salaam ambapo amesema kuwa kutokana na utafiti  wa mwaka 2016/17  takwimu  hizo zitakuwa zimejumuisha karibia makundi yote  nchini ambapo utafiti wa kipindi hiki umejumuisha  kuanzia mtoto umri wa  anavyozaliwa na utafiti  huo unalenga kupunguza   kiwango cha maabukizi  mapya ya  vvu  kutoka 0.32%mwaka 2012  hadi 0.16% ifikapo mwaka 2018

Aidha amesema kuwa bado kuna changamoto kadhaa katika kudhibiti maambukizi ya virusi vya ukimwi katika makundi maalumu huku  idadi kubwa ya maambukizi ya virusi vya ukimwi  yakilenga Makundi ya wanaofanya  biashara ya ngono,  maeneo ya wavuvi,wachimba madini, wafungwa na  waendesha maroli huku  Upungufu wa rasilimali fedha  na   Unyanyapaa bado ni tatzo miongoni mwa jamii za kitanzania

Kwa upande wake Kwa upande wake Kaimu Mkurugenzi Idara ya Muitikio wa Kitaifa kutoka Tume hiyo Bi. Audrey Njelekela amesema Serikali kupitia TACAIDS inaendelea kufanya jitihada mbalimbali za kukabiliana na janga hilo ikiwemo kuandaa na kutekeleza mikakati madhubuti itakayosaidia kupunguza maambukizi kwa kiasi kikubwa.

TACAIDS ilianzishwa kwa Sheria ya Bunge Na. 22 ya mwaka 2001 kwa lengo la kutoa uongozi wa kimkakati, uratibu na kuimarisha juhudi za wadau wote wanaojishughulisha na kudhibiti UKIMWI nchini.

 Na Emanuel Mbatilo Salvahabari