WAUZAJI WA MBOLEA NCHINI WAASWA KUFUATA BEI ILEKEZI ZA MBOLEA

Wito umetolewa kwa wauzaji wa mbolea nchini Kufuata bei elekezi kutoka  Mamlaka ya udhibi wa ubora wa  mbolea Tanzania   kwani  kwa sasa bei ya mbolea imepungua bei  kwa asilimia 20.

Akizungumza  na wandishi wa habari Leo jijini Dar es salaam Kaimu Mkurugenzi wa   mamlaka hiyo  Lazaro  Kitandu amesema kuwa   wafanyabiashara  watawajibika kuuza  mbolea hiyo kwa  bei iliyoelekezwa  au chini ya hapo  na katika kupanga bei ya mbolea   mamlaka imezingatia bei ya mbolea kutoka katika chanzo ,gharama za usafirishaji kutoka nje ya nchi hadi hapa nchini ,tozo mbali mbali ,gharama za usafirishaji ndani ya nchi na faida ya mfanya biashara.

Aidha amesema kuwa wamefanya tathimini ya kujua kiasi cha mbolea iliyoko nchini na kujiridhisha  kwamba  mbolea iliyopo nchini kwa sasa inatosheleza mahitaji ya nchi hadi mwenzi  wa Tisa  hivyo mbolea kupitia mfumo wa BPS  inatarajiwa kufika tarehe 5-15 Septemba itakuwa imefika kwa wakati muafaka kulingana na mahitaji  ya hapa nchini kwa msimu wa kilimi 2017/2018