VIJANA ZAIDI YA 60 WAMLALAMIKIA MWEKEZAJI KWA KUTOWALIPA FEDHA ZA MISHAHARA YAO

 Wakinamama wa kijiji cha Sambaru wakiendelea kutwanga mawe kwa ajili ya kuweka tayari kwa kupatikana madini ya  ya Dhahabu

Baadhi ya vijana wa kijiji cha Sambaru

…………………………………………………………….

Na Woinde Shizza,Singida

Zaidi ya vijana 60 wa kijiji cha Sambaru kata ya Ikungi  wilayani Ikungi mkoani Singinda wamemlalamikia mwekezaji wa kampuni ya  Sambaru  Gold Mining kwa kitendo cha kuwarusha fedha za malipo  ya kazi waliyokuwa wakimfanyia mgodini kwake

 Wakiongea na waandishi wa habari kijijini hapo baadhi ya vijana hao walisema kuwa wamefanya kazi katika kampuni hiyo kwa
kipindi cha mda mrefu lakini muwekezaji huyo hajawalipa hela zao  na badala yake amewafukuza kazini hapo bila
kuwalipa malipo yoyote .

Mmoja wa vijana hao aliyejitambulisha kwa jina la Saidi Hassan alisema kuwa walishapeleka malalamiko yao kwa viongozi
wa kijiji  lakini hakuna hatua  yeyote iliyochukuliwa hivyo wameiomba serikali iwasaidie ili wapate mafao yao kwani fedha hizo walikuwa wanazitegemea katika kuwasaidia kwa majukumu mbalimbali ya kifamilia.

“Tumekuwa tunamfata muwekezaji huyu na kumuomba  atulipe fedha zetu lakini amekuwa anatukana na kusema hatudai ,mbaya zaidi kunawakati alifikia hatua ya kukamata baadhi ya wenzetu ambao wanamdai na kuwapeleka polisi,”alisema Saidi

Kwa upande wake kijana mwingine  aliyejitambulisha kwa jina la Fredy John alisema kuwa kunakipindi walishawahi
kumpeleka polisi alipofika na kuulizwa kama vijana hao wanamdai alikubali na akaahidi kuwalipa na aliomba muda na akapewa kimaandishi lakini ,muda huo umepita na hadi leo vijana hao hawajalipwa na amefikia hatua ya kuwakana kabisa.

Alipotafutwa mwenyekiti wa kijiji hicho cha Sambaru Mfaume Hassan  ili kubainisha kama ana taarifa za vijana hao
nae alisema kuwa ni kweli ana taarifa za vijana hao na alishamtumia mmiliki wa kampuni hiyo taarifa za madai ya  vijana hawa lakini hajateleza   hivyo ameamua kupeleka swala hili katika ngazi za juu ili  wamsaidie

“Sisi kama kijiji tumekuwa tuna utaratibu wa  kuwapa vijana wawekezaji hawa na hii inatokana na uhitaji wa muwekezaji ,unakuta mwekezaji anataka vijana wa kumsaidia kazi huko mgodini kwake analeta barua katika ofisi ya kijiji  na sisi tunampa  vijana na ndio utaratibu uliofanywa sasa mwekezaji huyu kaja kuchukuwa vijana lakini cha kushangaza wamefanya kazi mgodini kwake lakini hajawalipa mpaka leo na mbaya zaidi akifuatwa anasema kuwa hadaiwi kitu ambacho sio cha kweli mimi kama kiongozi wa kijiji nikishirikiana na wenzangu tutajitaidi kufuata sheria ili vijana hawa walipwe hela zao na hadi sasa navyoongea nilishampa taarifa mkuu wa wilaya”alisem Mwenyekiti wa kijiji  Mfaume Hassan

“Mimi sidaiwi na kijana yeyote Yule vijana wangu wote ambao nawaajiri  nawalipa vizuri na wengine wapo kazini hadi sasa,pia mimi sijawai kwenda kijijini kutafuta kijana wa kunifanyia kazi na napenda kusema hivi kama kuna mtu ambaye ananidai afuate sheria  ,aje na vielelezo anidai  na kama ni kweli nitamlipa ila sidaiwi na mtu yeyote “alisema Magoma

Akiongelea swala hilo Mkuu wa wilaya
ya Ikungi Miraji Mtaturu alisema kuwa swala hilo
alishalipokea kutoka kwa mwenyekiti wa kijiji cha Sambaru  na alimuagiza aandike idadi ya vijana hao
pamoja na majina yao ili ayafanyie kazi ,aidha pia alisema kuwa atamuandikia
barua  ya kumuita ofisini kwake  mmiliki wa mgodi huo wa Sambaru Gold Mining