TAMASHA LA WAENDESHA PIKPIKI KUFANYIKA DAR,MEI 13,

Tamasha la waendesha pikipiki linalotarajia kufanyika Mei 13 mwaka huu katika viwanja vya Tanganyika Parkers Jijini  Dar es Salaam likiwa na lengo la  kuweka uamsho, msisitizo na kuendelea kutoa elimu ya usalama barabarani kwa madereva wa pikipiki na abiria kwa dhumuni la kuzingatia sheria za usalama kwa matumizi ya barabara  

Hayo yamesemwa  leo jijini Dar es salaam na Mkurugenzi Mtendaji wa Kampuni ya JP Decaux, Shaban Makugaya wakati akizungumza na waandishi wa habari kuhusu maandalizi ya tamasha hilo

amesema kuwa, tamasha hilo ni la kwanza kufanyika nchini na Kampuni hiyo imejipanga kulifanya kila mwaka nchi nzima ambapo jina la maonesho litabadilika kulingana na mji au mkoa ambao tamasha litafanyika 

Kwa upande wake Afisa Mtendaji Mkuu wa Kampuni ya JP Decaux, Elia Richard amesema tamasha hilo litahusisha michezo mbalimbali ikiwemo ya soka kati ya timu ya trafiki na waendesha pikipiki, burudani ya mziki wa kizazi kipya, taarabu na singeli pia zitakuwepo ili kuboresha tamasha hilo.

Bodaboda Superstar ni onesho linalojumuisha burudani na elimu ambalo limelenga kuwaleta pamoja waendesha pikipiki na wananchi ambapo Kauli mbiu ya tamasha hilo ni ‘Sote ni Ndugu’.

Na James Bayachamo-Salvanews