LHRC YASEMA NA SERIKALI KUHUSU UCHAGUZI WA MADIWANI

Kituo

cha sheria na  haki  za binadamu (LHRC) kimeitaka serikali pamoja na vyombo vya dola kufanya uchunguzi wa kina  na kuchukua hatua kali za kisheria kwa wote watakaobainika kuhusika kwa namna moja au nyingine katika uvunjifu wa haki za binadamu katika  uvurungu zilizotokea  wakati wa  Uchaguzi wa Madiwani wa kata 43 uliofanyika  jumapili nchi nzima.

Pia Kituo hicho kimeitahadharishwa serikali kuwa kama isipokemea vitendo hivyo vya uvunjifu wa Haki za Binadamu ,kutasababisha athari  mbaya kwenye uchaguzi wa serikali za Mitaa utakaofanyika 2019 pamoja na uchaguzi mkuu wa mwaka 2020.

Akizungumza na Waandishi Habari leo Jijini Dar es Salaam wakati wa kutoa tathmini ya Uchaguzi huo ,Kaimu Mkurugenzi wa (LHRC),Anna Henga, amesema kituo hicho kimefuatilia kwa ukaribu uchaguzi mdogo wa marudio wa kuchagua madiwani katika kata 43  zilizopo  halmashauri  takribani 36 kwenye mikao 19 nchini na kubaini uchaguzi ulikuwa na kasoro lukuki zilizochangia uvunjifu wa haki za kibinadamu

Kwa upande wake mwanasheria  wa kituo hicho bwana Wiliamu  KahaleAmesema  pamoja na ukweli kwamba baadhi ya kata uchaguzi ulifanyika kwa uhuru na haki lakini bado wamebaini pia uchaguzi huo ulitawaliwa  na matukio ya watu kutekwa na watu wasiojulikana ,watu kupigwa ,kukamatwa na kujeruhiwa kwa lengo la kuharibu na kuvuruga  uchaguzi na kuwatia hofu wapiga kura.

Katika uchaguzi mdogo wa marudio wa kuchagua madiwani katika kata 43  zilizopo  halmashauri  takribani 36 kwenye mikao 19 nchin Chama Cha Mapinduzi (CCM) kilishinda kata 42 huku Chadema ikiambulia ushindi wa kata moja.

Na James Salvatory