SINGIDA UNITED YAZIDI KUNG'ARA YAJA NA HILI

Ni dhahiri kuwa timu ya Singida United sasa baraka zimeanza kumiminika katika klabu hiyo baada ya kupata mdhamini mwingine ambaye ni kampuni ya kimataifa ya YARA TANZANIA ambayo ni kampuni ya uzalishaji na usambazaji wa pembejeo mbali mbali za kilimo duniani ikiwemo mbolea.


Akizungumza wakati wa hafla fupi ya makubaliano ya udhamini huo mkurugenzi wa kampuni ya YARA amesema kampuni hiyo imeamua kuidhamini Singida United ukiwa ni mkakati wa kuitambulisha YARA hapa nchini sambamba na kukuza sekta ya kilimo hasa kwa vijana kwa kuongeza mavuno mengi kutokana na pembejeo za kilimo zinazozalishwa na kampuni hiyo hasa mbole kuwa bora sambamba na kukuza kilimo cha alizeti ambazo huzalisha mafuta yanayoweza kuiingizia Tanzania kipato kikubwa huku akisikitishwa na Tanzania kuagiza asilimia kubwa ya mafuta ya kula kutoka nje ya nchi.

Naye mkurugenzi wa klabu ya Singida United,FESTO SANGA amesema tumu hiyo imefurahia ujio wa kampuni hiyo kwa mkataba wa mwaka mmoja Ukiwa ni udhamini wa zaidi ya shilingi milioni 250 na tayari klabu  hiyo imeshaanza kujiingiza pia katika masuala ya kilimo ili kujikuza zaidi.