WALIMU WAMUOMBA WAZIRI NDALICHAKO KUTATUA TATIZO LA UPUNGUFU WA WALIMU

 Walimu nchini wamemwomba Waziri wa Elimu,Sayansi na Mafunzo ya Ufundi,Prof.Joyce Ndalichako kutatua tatizo la ukosefu wa walimu kwani wamekuwa wakifundisha vipindi vingi hivyo kujikuta wakirudi  nyumbani wakiwa wamechoka.

Wakisoma risala yao  mbele ya Waziri huyo katika ufungaji wa mafunzo ya walimu wanaofundisha darasa la tatu na nne juu ya Mtaala mpya unaozingatia ukuzaji wa umahiri wa Stadi za kusoma,kuandika na kuhesabu (KKK).

Eda Chilimo kutoka wilaya ya bahi akisoma risala hiyo kwa niaba ya walimu wenzake kutoka katika Wilaya za Bahi, Kondoa na Dodoma Mjini,amesema changamoto kubwa wanayokabiliwa nayo ni kufundisha vipindi vingi kutokana na uhaba wa walimu.

Kwa upande wa  Waziri Ndalichako amekiri Tanzania kuwa na uhaba wa walimu na kuahidi kulitatua tatizo hilo kwa kuwapeleka katika shule zingine walimu wa ziada.

Kutokana na hali hiyo Waziri Ndalichako, amewaagiza Wakurugenzi wote nchini kuangalia jinsi ya kusawazisha hali hiyo, pia waziri Ndalichako amesema Kuhusina na madarasa amesema Serikai imejenga madarasa 1089 huku ikikarabati shule kongwe 88 lengo likiwa ni kuendeleza elimu nchini.

Hatahivyo, Ndalichako amewataka Walimu hao kutowanyima wanafunzi vitabu vilivyotolewa na serikali kwani lengo ni wanafunzi hao wajue kwa ufasaha KKK tatu ambazo ni kusoma,Kuandika na Kuhesabu.

Na Jacquline Victor- Salvanews